Baucau, 19 Jullu 2021- Xefe suku Triloka, postu administrative Baucau Villa, Munisípiu Baucau, Alexandre da Costa, hateten, maioria komunidade iha suku neé asesu ona bee-mos liuhosi Programa Nasionál Dezenvolvementu Suku (PNDS).

“Komunidade iha aldea haat suku Triloka maioria asesu ona bee-moos, balun mak seidauk tanba hela dook hosi suku no Estrada, nuneé defisil atu fasilia kanaliza bee-matan tanba distánsia dook no gastuboot,”Xefe suku Triloka inform aba Agência TATOLI, iha ninia knar fatin, segunda ne’e.

Kanalizasaun bee-mos iha suku ne’e finansia hosi PNDS BA ALDEA aUBAKA, bADUH’O NO mAKADAE, ENKUNATU Aldeia Lekiloiuatu rasik antes ne’e asesu ona bee=mos hosi projetu ne’ebé implementa hosi parseiru dezenvolvimentu sira.

Iha tinan ne’e, PNDS iha suku Triloka aloka osan ba programa Realibiasaun Sede Suku (RSS) ho total orsamentu hamutuk $ 13.000, ne’ebé $1.000 ba kustu operasionál no $ 12.000 ba infraestrutura, enkunatu Uma Kbiit Laek hahú implement aba benefsiáriu tolu iha aldeia Aubaka ne’ebé kada uma hetan $ 17.000.

“Programa Realibitasaun Sedu Suku ami asina ona kontratu, enkuantu ba Uma Kbiit Laek iha faze implemetasaun ona,” Alexandre esplika.

Entertantuk, suku Triloka kompostu hosi aldeia Aubaka,  Baduho’o, Makadae no Lekiloiuatu, ho total populasaun 2.723, hosi uma-kain 406.

Jornalista         : Natalino Belo

Editora            : Julia Chatarina

Fontes             : https://tatoli.tl/2021/07/19/maioria-komunidade-suku-triloka-asesu-ona-bee-mos/